بالفيديو : الحقيقة حول موضوع خطف طفل حديث الولادة من القصر العيني القديم
القصة دي تم نشرها من خلال جريدة اليوم السابع تحت مسمى عصابة لسرقة الأطفال حديثي الولادة والنهاردة جبنا لكم أصل الموضوع بعد سماع أقوال الأطباء العاملين بالقصر العيني وبعد تفريغ أشرطة المراقبة وسماع رواية السيدة التي تم اتهامها بسرقة الطفل يهمني الناس تعرف القصة دي لأن حصل هري صحفي كتير حواليها والموضوع مروي على لسان الأطباء العاملين هناك
الموضوع حسب رواية الأطباء مع الفيديو :
بالنسبة لحادثة القصر العيني و مستشفى النساء ففي واقعتين حصلوا مؤخرا، الواقعة الأولى كالآتي:
بالنسبة لواقعة التوأم :
التوأم ده كان بعد اجهاض بعد ٢٦ اسبوع حمل لأسباب طبية
التوأم نزلوا الفرق بينهم ساعتين و الطفلين ماتوا في مكان ولادتهم بعد محاولات الإنعاش من طبيبة الأطفال تم اعلان وفاتهم
مفيش طفل منهم وصل للحضانة أصلا و في الظروف دي الحكيمة بتتسلم الطفل و بتاخد بصمة قدم منه ع التذكرة
و مسئولية الحكيمة هنا هي تسليم الجثة للمشرحة الحكيمة فعلا قصرت و حصل إهمال و لم يتم تسليم طفل منهم للمشرحة
و دي غلطة الممرضة مليون في المية و فعلا احنا كقصر عيني إدارة و أطباء نساند والد الطفل في شكوته ضد الممرضة لأن من حقه تسلم جثة طفلة
القصة دي رغم إنها مؤلمة بس و مع الإحترام الشديد لمشاعر الوالد بس دي غلطة الممرضة مش غلطة أطباء ..
و لو في قصة أسوأ فهي قصة خطف الطفل من مستشفى النساء و الولادة و القصة دي تفاصيلها كالآتي
ست خلفت ولادة قيصرية و بعد القيصرية اتحجزت في الوحدة عادي ومعاها طفلها
الوحدة بيبقى فيها بتاع ٢٦ سريرالسرير اللي قدام الست دي كان سرير سيدة مصابة بعقم و مش بتخلف
يوم ١ مايو دخلت واحدة و قالت إنها طبيبة امتياز و انتهزت فرصة إن النايب النبطشي (يوم أجازة بيقى النباطشي تقريبا طبيب واحد ) و الممرضة مشغولين مع حالة و دخلت قالت إنها طبيبة امتياز
و اللي قالت إنها طبيبة امتياز دي دخلت و قالت إن الطفل نسبة الصفرا عنده عالية ولازم تتقاس في أبوالريش أم الطفل في اللحظة دي كانت في الحمام
فالمرضى اللي في القسم قالوا لها استني والدته أو النايب لما ييجوا
قالت لهم لازم نكشف دلوقتي و إلا الدكتور اللي في أبو الريش حيمشي و مش حنعرف نكشف عليه
الست اللي هي مش بتخلف تطوعت و قالت خلاص أنا حاجي معاكي
و مشيت الست اللي مش بتخلف مع الطفل مع دكتورة الإمتياز ع أبو ريش
بعد شوية الست اللي مش بتخلف دي رجعت لوحدها و قالت يا جماعة الدكتورة فضلت تلففني في أبو الريش المنيرة لحد ما دخلت في أوضة و قالت لي مش حينفع يخش إلا الدكاترة
فوقفت ع الباب و استنيتها و أما اتأخرت فتحت الباب ده لقيته باب ع سلم ومالقيتش الدكتورة ولا العيل
طبعا أصابع الاتهام اتجهت مباشرةً للست اللي مبتخلفش و إنها هي اللي عملت الحركة دي وسرقت الطفل
بس العقل بيقول إن لو دي متفقة فعلا مع دكتورة الإمتياز (أو اللي عاملة نفسها دكتورة امتياز) يبقى حتطلع من القصر العيني تركب تاكسي و تهرب مش حتطلع ع أبو الريش !!
فالفيصل في القصة دي كانت كاميرات مستشفى أبو الريش المنيرة
كاميرات مستشفى أبو الريش المنيرة أثبتت فعلا صدق أقوال الست اللي مش بتخلف و انها راحت أبو الريش مع اللي عاملة نفسها دكتورة
و في صور بتثبت كده
في صور من كاميرات المراقبة مع المباحث موضحة وش الست وضوح تام
المباحث استلمت السي دي بتاع المراقبة كله
و أقرب التحليلات دلوقتي هي إن اللي عملت نفسها دكتورة دي الحرامية بعد مطابقة صور السي دي بالإمتياز النبطشي في الجدول
بصرف النظر بقى هل هي متعاونة مع حد ولا لا
حتقوللي دي مسئولية مين حاقولك مسئولية اللي سمح للي عاملة نفسها دكتورة إنها تخش الوحدة بتاعة النساء
حاقولك دي مسئولية أمن القصر العيني بس و الله لو اتشقلبت ماحتعرف تحكم أو تمنع حد من القصة دي
كارنيهات الإمتياز أصلا ممكن تتضرب بسهولة لو هي ع الكارنيه
و دي أحد العيوب إن الأمن في المستشفى مش أمن نظامي دي شركات أمن مش شرطة زي زمان
في فرق بين تأمين الشرطة النظامية للمستشفيات و ده المطلوب وتأمين الشركات الخاصة
المظلوم في القصتين هما أولياء أمور الأطفال سواء اللي مستلمش جثة بنته أو اللي اتسرق منهم طفل
في غلطة مليون في المية من ممرضة مهملة في تسليم جثة للمشرحة
و في غلطة من مسئول الأمن إنه سمح لمنتحلة صفة دكتورة إنها تخش الوحدة أو إنها تخرج من الوحدة و المستشفى دون إثبات حالة أو تأكد من شخصيتها
و دا طبعا عيب إن المستشفى سداح مداح أي حد بيخش و أي حد بيخرج في ظل غياب أمني
لا احنا مسئولين أمن ولا معانا صلاحيات أمنية
أو وفروا لنا الضبطية الطبية ووقفونا نباطشيات بقى على بوابات المستشفى
الموضوع حسب رواية الأطباء مع الفيديو :
بالنسبة لحادثة القصر العيني و مستشفى النساء ففي واقعتين حصلوا مؤخرا، الواقعة الأولى كالآتي:
بالنسبة لواقعة التوأم :
التوأم ده كان بعد اجهاض بعد ٢٦ اسبوع حمل لأسباب طبية
التوأم نزلوا الفرق بينهم ساعتين و الطفلين ماتوا في مكان ولادتهم بعد محاولات الإنعاش من طبيبة الأطفال تم اعلان وفاتهم
مفيش طفل منهم وصل للحضانة أصلا و في الظروف دي الحكيمة بتتسلم الطفل و بتاخد بصمة قدم منه ع التذكرة
و مسئولية الحكيمة هنا هي تسليم الجثة للمشرحة الحكيمة فعلا قصرت و حصل إهمال و لم يتم تسليم طفل منهم للمشرحة
و دي غلطة الممرضة مليون في المية و فعلا احنا كقصر عيني إدارة و أطباء نساند والد الطفل في شكوته ضد الممرضة لأن من حقه تسلم جثة طفلة
القصة دي رغم إنها مؤلمة بس و مع الإحترام الشديد لمشاعر الوالد بس دي غلطة الممرضة مش غلطة أطباء ..
و لو في قصة أسوأ فهي قصة خطف الطفل من مستشفى النساء و الولادة و القصة دي تفاصيلها كالآتي
ست خلفت ولادة قيصرية و بعد القيصرية اتحجزت في الوحدة عادي ومعاها طفلها
الوحدة بيبقى فيها بتاع ٢٦ سريرالسرير اللي قدام الست دي كان سرير سيدة مصابة بعقم و مش بتخلف
يوم ١ مايو دخلت واحدة و قالت إنها طبيبة امتياز و انتهزت فرصة إن النايب النبطشي (يوم أجازة بيقى النباطشي تقريبا طبيب واحد ) و الممرضة مشغولين مع حالة و دخلت قالت إنها طبيبة امتياز
و اللي قالت إنها طبيبة امتياز دي دخلت و قالت إن الطفل نسبة الصفرا عنده عالية ولازم تتقاس في أبوالريش أم الطفل في اللحظة دي كانت في الحمام
فالمرضى اللي في القسم قالوا لها استني والدته أو النايب لما ييجوا
قالت لهم لازم نكشف دلوقتي و إلا الدكتور اللي في أبو الريش حيمشي و مش حنعرف نكشف عليه
الست اللي هي مش بتخلف تطوعت و قالت خلاص أنا حاجي معاكي
و مشيت الست اللي مش بتخلف مع الطفل مع دكتورة الإمتياز ع أبو ريش
بعد شوية الست اللي مش بتخلف دي رجعت لوحدها و قالت يا جماعة الدكتورة فضلت تلففني في أبو الريش المنيرة لحد ما دخلت في أوضة و قالت لي مش حينفع يخش إلا الدكاترة
فوقفت ع الباب و استنيتها و أما اتأخرت فتحت الباب ده لقيته باب ع سلم ومالقيتش الدكتورة ولا العيل
طبعا أصابع الاتهام اتجهت مباشرةً للست اللي مبتخلفش و إنها هي اللي عملت الحركة دي وسرقت الطفل
بس العقل بيقول إن لو دي متفقة فعلا مع دكتورة الإمتياز (أو اللي عاملة نفسها دكتورة امتياز) يبقى حتطلع من القصر العيني تركب تاكسي و تهرب مش حتطلع ع أبو الريش !!
فالفيصل في القصة دي كانت كاميرات مستشفى أبو الريش المنيرة
كاميرات مستشفى أبو الريش المنيرة أثبتت فعلا صدق أقوال الست اللي مش بتخلف و انها راحت أبو الريش مع اللي عاملة نفسها دكتورة
و في صور بتثبت كده
في صور من كاميرات المراقبة مع المباحث موضحة وش الست وضوح تام
المباحث استلمت السي دي بتاع المراقبة كله
و أقرب التحليلات دلوقتي هي إن اللي عملت نفسها دكتورة دي الحرامية بعد مطابقة صور السي دي بالإمتياز النبطشي في الجدول
بصرف النظر بقى هل هي متعاونة مع حد ولا لا
حتقوللي دي مسئولية مين حاقولك مسئولية اللي سمح للي عاملة نفسها دكتورة إنها تخش الوحدة بتاعة النساء
حاقولك دي مسئولية أمن القصر العيني بس و الله لو اتشقلبت ماحتعرف تحكم أو تمنع حد من القصة دي
كارنيهات الإمتياز أصلا ممكن تتضرب بسهولة لو هي ع الكارنيه
و دي أحد العيوب إن الأمن في المستشفى مش أمن نظامي دي شركات أمن مش شرطة زي زمان
في فرق بين تأمين الشرطة النظامية للمستشفيات و ده المطلوب وتأمين الشركات الخاصة
المظلوم في القصتين هما أولياء أمور الأطفال سواء اللي مستلمش جثة بنته أو اللي اتسرق منهم طفل
في غلطة مليون في المية من ممرضة مهملة في تسليم جثة للمشرحة
و في غلطة من مسئول الأمن إنه سمح لمنتحلة صفة دكتورة إنها تخش الوحدة أو إنها تخرج من الوحدة و المستشفى دون إثبات حالة أو تأكد من شخصيتها
و دا طبعا عيب إن المستشفى سداح مداح أي حد بيخش و أي حد بيخرج في ظل غياب أمني
لا احنا مسئولين أمن ولا معانا صلاحيات أمنية
أو وفروا لنا الضبطية الطبية ووقفونا نباطشيات بقى على بوابات المستشفى
